शोधा

Digital Solutions for YOUR Business

A Helping Hand to Small Businesses to Promote Themselves via Internet

Category

मराठी

ब्लॉगिंगकरता मदत हवी आहे?

मराठी भाषेत साहित्यिकांचा दुष्काळ नाही. प्रश्न आहे तो प्रकाशकांचा. ब्लॉगच्या माध्यमातून प्रकाशनाचा देखील प्रश्न सुटला आहे. संगणकावर मराठी टंकू शकता ना! बर्‍यापैकी लिहू देखील शकता की! मग काढा ब्लॉग स्वत:चा! कशाला आपलं लेखन कुणी प्रकाशित करावं म्हणून पाय धरायचे प्रकाशकांचे. वर ते देखील उपकार केल्याच्या थाटात, आपल्याकडूनच पैसे घेऊन प्रती छापून घेणार…..त्यातल्या काही आपल्या हातावर टेकवून उरलेल्या स्वत: विकून खायला मोकळे. त्यापेक्षा आपणंच आपले लिखाण आपल्याला हवे तसे का नाही प्रकाशित करावे? काही साहित्यिक पुरस्कार मिळालेल्या साहित्यिकांचे असे देखील म्हणणे आहे की, सगळे लेखन साहित्य म्हणून मोडत नाही आणि कोणीही लिहिणारा लेखक असू शकत नाही. अहो! संत सांगून गेले आहेत “राजहंसाचे चालणे मोठे सुंदर असेलही, पण म्हणून इतरांनी काय चालूच नये?”. साहित्यिक मूल्य बिल्य ठरवण्याची भाषा लेखकांनी करूच नये. त्यांचे स्वत:चे लिखाण देखील त्यांना प्रकाशकांना पैसे देऊनच छापावे लागते हे सत्य ते देखील नाकारू शकत नाहीत.

असो, तर मुद्दा काय की, आपल्याला काही तरी मांडायचे आहे, ते जास्तीत जास्त लोकांपर्यंत पोचावे अशी इच्छा आहे. मग ब्लॉगवर का लिहू नये? आपल्यापैकी असे किती तरी जण आहेत जे उत्तम लिहू शकतात, आपणे म्हणणे योग्य शब्दांत मांडू शकतात, पण त्यांना ते ब्लॉगवर प्रकाशित करण्याचे तंत्र अवगत नाही. खास त्यांच्याकरता ही पोस्ट आहे. तुम्हाला ब्लॉगिंगकरता काही मदत हवी असल्यास मला संपर्क साधू शकता.

आपल्याला खालील कामात मी मदत करू शकेन.

पूर्णपणे नविन ब्लॉग तयार करणे.
आधीपासून असलेल्या ब्लॉगला नवे रूप देणे.
तुमच्या ब्लॉगबाबत एखादी पोस्ट या ब्लॉगवर प्रकाशित करणे.
तुमच्या ब्लॉगकरता ’कंटेंट राईटिंग’ करणे.
तुमच्या सहित्याचे ई-बुक बनवणे.

तुम्हाला या ब्लॉगवर जर ’गेस्ट पोस्टींग’ करायचे असेल तरीदेखील स्वागत आहे.

तुम्हाला नेमकी काय मदत अपेक्षित आहे ते मला लिहून पाठवा. खाली जो फॉर्म दिला आहे तो कृपया भरून पाठवा. आपल्याला मी नक्की संपर्क करीन.

अप्रकाशित लेख आणि कवितांना ’ईबुक्स’ नाहीतर ’ब्लॉग’ चा आधार

सोशल नेटवर्किंगचे माध्यम हाताशी असल्यावर प्रतिभेला धुमारे फुटणं नवीन नाही. कोणतीही घटना घडो…..भडाभडा बोलावे तसं आपली मतं लोक फेसबुकवर भसाभसा मांडत असतात. त्याची कुणी दखल घेतली नाही तर ज्या ग्रुपवर सभासद आहेत तिथे देखील आपल्या कविता, लेख असं काय काय मांडलं जातं. मग तिथून कोणीतरी ते साहित्य चोरतं आणि खुशाल आपल्या नावावर खपवतं. कधीतरी मूळ मालकाला पत्ता लागतो देखील पण आगपाखड करण्याशिवाय हातात काही राहिलेलं नसतं, कारण तोवर चोर त्या साहित्याचा मालक म्हणून प्रसिद्धीस आलेला असतो.

ब-याचदा सोशल नेटवर्किंग वर या लेख / कवितांना इतका तुफान प्रतिसाद मिळतो की, त्यांचं एखादं पुस्तक प्रकाशित करण्याची खुमखुमी येते. मराठी वाचक आपलं पुस्तकं विकत घेऊन वाचत आहेत, इतरांना भेट देत आहेत 🙂 असं स्वप्नरंजन ते करायला लागतात देखील. पण प्रत्यक्षात वस्तुस्थिती अगदी वेगळी असते. पुस्तकं कितीही ताकदीचं असो,  नवलेखकांना ते पुस्तक पदरमोड करूनच पुस्तकं छापावं लागतं, हे कोणताही लेखक अमान्य करू शकणार नाही.

माझ्या ओळखीतल्या एका वयस्कर आजोबांनी एका इंग्रजी पुस्तकाचा अनुवाद केला. ते पुस्तक हिंदू धर्माविषयी होतं त्यामुळे सरसकट वाचक त्याला मिळतीलच असे नव्हते. त्यांच्या ओळखीच्याच एका प्रकाशकांनी त्याच्या एक हजार कॉपीज काढायची तयारी दाखवली त्याकरता त्या आजोबांकडून सत्तर हजार घेतले, पुस्तकाची किंमत रु.३००/- प्रत्येकी अशी छापली आणि एकूण हजार कॉपीज पैकी फक्त तीनेशी प्रती त्यांच्या हातावर टेकवल्या. आता ते आजोबा कुठे ती तीनशे पुस्तके विकायला जाणार? बरं, प्रकाशकांना काहीही न करता हातात रू.३००/- प्रत्येकी वाल्या सातशे कॉपीज मिळाल्या त्या सगळ्या अगदी सवलतीने रू.१००/- ला जरी दुकानात विकल्या तरी प्रकाशकांना त्यात रू.७०,०००/- चा फायदा झाला. मूळ छपाईचा खर्च आजोबांकडून वसून केलाच होता.  त्या सातशे प्रती विकल्या जरी नाही गेल्या तरी रद्दीत विकून काही पैसे तरी प्रकाशक कमावू शकतोच. आणि कुणी सांगावे त्यांनी एकूण हजार प्रती छापल्या असतील तरी का? कदाचित कराराप्रमाणे फक्त ३०० प्रती काढून आजोंबाना दिल्या असतील. सहाजिकच सातशे प्रती छापायचा खर्च कमी आणि त्या विकायची यातायात पणी नाही.

अश्या घटना पाहील्या; की वाटतं माणसं मोफत किंवा कमी खर्चाच्या सोई उपलब्ध असताना उगाचच भरमसाठ खर्चाच्या मागे का धावत बसतात ? आधी डिजिटल पुस्तक काढून, किती प्रतिसाद मिळतोय हे पाहून  मग ते छापाता येईल.

मला असे वाटते की दोन पर्याय आहेत.

१)छापील पुस्तक काढण्यापेक्षा आधी डिजिटल पुस्तक (pdf format) काढून पहावे.

  • माफक किंमतीत विकायला ठेऊन ते डाऊनलोड करू न देता किंवा पासवर्ड टाकून डाऊनलोड करू देता तुम्ही जनमत आजमाऊ शकता. तुफान विकलं जातयं हे लक्षात आले तर छापता देखील येईल.

२) pdf चा पर्याय मान्य नसेल तर तुमच्या निवडक/लेखांचा लेखांचा ब्लॉग तयार करता येईल. ब्लॉगचा फायदा असा की….

  • डोमेन न घेता मोफत ब्लॉग सुरू करता येईल,
  • तुमचा तुम्हाला हवा तेव्हा हवा तसा अगदी ईमेलद्वारे देखील अपडेट करता येईल.
  • आजकाल साहित्य चोरी सरसकट होत असल्याने काही उपाय योजून ब्लॉगवरचे लेख कॉपी करता येणार नाहीत अशी सोय (ही अर्थातच फ़ुलप्रुफ नाही, पण सामान्य वाचकाकडून कॉपी करणे टाळता येईल) करता येईल.
  • मर्यादीत लोकांनाच ब्लॉगवर प्रवेश देता येऊ शकेल. त्याकरता हवी तर तुम्ही माफक फी आकारू शकता.
  • त्याखेरीज तुमच्या पोस्ट्स देखील पासवर्ड प्रोटेक्टेड ठेवू शकता.

काही मार्गदर्शन हवे असल्यास अवश्य संपर्क साधा.


You may want to read following Posts related to same topics :-


ब्लॉग की संकेतस्थळ????

वास्तविक ब्लॉग हा एक संकेतस्थळासारखाच प्रकार आहे. ब्लॉग धारकाला आपले म्हणणे ऑनलाईन मांडण्याकरता एक हक्काचे स्थळ आहे.

संकेतस्थळाएवढी सुबकता यात नसली तरी दरवर्षी डोमेन खरेदी करण्याचा खर्च वाचवता येण्यासारखी सुलभता यात आहे. उदा. आपले xyz.com हे संकेतस्थळ जर ब्लॉग स्वरूपात आले तर ते xyz.blogspot.in किंवा xyz.wordpress.com असे असेल.

त्याचप्रमाणे आपल्याला वारंवार आपल्या संकेतस्थळावर काही बदल करायचे असतील आणि त्यातले तंत्र अवगत नसेल तर ब्लॉगचा पर्याय उपयुक्त ठरू शकतो कारण एखाद्याला ईमेल पाठवावा त्याप्रमाणे ईमेल द्वारे देखील आपण आपला ब्लॉग अपडेट करू शकाल.

आपल्याला xyz.wordpress.com अथवा xyz.blogspot.in (xyz हे तुम्ही निवडलेले नाव असेल) नावाचा ब्लॉग सुरू करता येऊ शकेल.

सरळ साधा ब्लॉग आणि यावर ईमेल द्वारे पोस्ट्स टाकण्याकरता ईमेल आयडी तुम्हाला बनवून देण्यात येईल. साधा ब्लॉग, ऍडव्हान्स ब्लॉग आणि संकेतस्थळासारखा ब्लॉग चे चार्जेस वेगवेगळे आहेत. त्यावर पोस्ट्स टाकण्याचे किंवा नियमितपणे अपडेट करण्याचे वेगळे चार्जेस असतील.


You may want to read following Posts related to same topics :-


ब्लॉग लिहावा तरी कुणी!!!

blog-audience-1024x204कालच्या माझ्या पोस्टवर प्रशांत यांनी, “इंजिनिअर्सनी पण ब्लॉग सुरू करायला हवा” अशी प्रतिक्रीया दिली. त्यावर त्यांना मी ” काहीच हरकत नाही…. ज्यांना ज्यांना काही सांगावेसे वाटते, लिहावेसे वाटते त्यांनी त्यांनी ब्लॉग माध्यमाचा आधार घेऊन ते मांडायला हवे. तुमच्या म्हणण्याप्रमाणे इंजिनिअर्सनी देखील ब्लॉग लिहायला सुरूवात करावी, आपल्या शिक्षणाबद्दल लिहावे, करिअर मधल्या अडचणीविषयी लिहावे, त्यातून काढलेल्या मार्गाविषयी लिहावे. एक प्रकारे तुमच्याच मार्गावर चालू इच्छिणा-यांना ते डॉक्युमेंटेशन ठरेल.” असे उत्तर दिले. माझे मत आजही हेच आहे की, एखादया लेखनाला साहित्यिक मूल्य आहेत की नाही याचा विचार न करता जे वाचायला आवडते ते वाचक वाचतात. त्यामुळे आपले लेखन कुणी वाचेल का? कुणी प्रकाशक ते छापेल का? अश्या विचारांत न अडकता जे व्यक्त करावेसे वाटते ते व्यक्त करायला आपण नावाजलेले लेखकच असायला हवे असे काही नाही.

लेखक मंडळींना ब्लॉगचा उपयोग आपल्या लेखनाकरता अश्या प्रकारे करता येईल.
– आपले पूर्वीचे लेखन इथे साठवण्याकरता,
– चालू असलेल्या लेखनातला काही भाग इथे देऊन वाचकांची उत्सुकता चाळवणे, त्यावर वाचकांची मते मागवणे, एक/अनेक प्रकाशकांना त्या लेखनाचा दुवा देऊन त्यांचे मत आजमावणे,
– ब्लॉगवरून आपल्या साहित्याची विक्री करणे.
– ब्लॉग माधम्याद्वारे स्वत:ला प्रमोट करणे.
– वाचकांशी संपर्कात रहाणे. इ.

बहुतेक मराठी वृत्तपत्रातले स्तंभलेखक वर्षभर लिहून त्यानंतर त्या लेखांचे एकत्रित पुस्तक छापून आणतात. याउलट बहुसंख्य इंग्रजी वृत्तपत्रातले लेखक मुळातच ब्लॉगर असतात. त्यांचे ब्लॉग्ज वाचून त्यांना ही स्तंभलेखनाची संधी मिळालेली असेल ही शक्यता देखील नाकारता येत नाही.

मराठी पुस्तकांना वाचक नाही अशी ओरड करण्यापेक्षा वाचकांना हवी त्या स्वरूपात पुस्तक मिळाली तर वाचक मराठी नक्कीच वाचतील. स्मार्टफोनच्या वापरामुळे रिसपॉन्सिव्ह साइट्सचे प्रमाण वाढते आहे. ब्लॉग हे रिस्पॉन्सिव्ह साइटचेच एक रूप आहे, त्याचा स्वत:च्या प्रमोशनकरता कसा फायदा करून घ्यायचा हे मात्र मराठी लेखकांनी शिकून घ्यायला हवे.


You may want to read following Posts related to same topics :-

ब्लॉग कोणत्या प्रकारचे असतात…

ब्लॉग लेखकांनीच लिहायला हवा असा नाही. एखादा ठराविक विषय घेवून, त्यावर सातत्याने लिहीणारे अनेक ब्लॉग्ज जसे आहेत त्याचप्रमाणे वेगवेगळ्या लेखकांची मोट बांधून त्यांच्याकडून त्यांच्या कौशल्याचे लिखाण मागवून प्रकाशित करणारे ब्लॉग देखील असतात.

नुसतं एखाद्या विषयावर काम करणं हेच उद्दीष्ट न ठेवता आपल्या व्यवसायाचा प्रसार करणारे, त्यामार्फत आपल्या ग्राहकांपर्यंत पोचणारे, ग्राहकांच्या तक्रारी निवारण करू इच्छिणारे, आपल्या व्यवसायातली भरीव कामगिरी लोकांपर्यंत पोचवणारे देखील ब्लॉग असतात.

ब्लॉगचा ब्लॉग म्हणून वापर न करता डोमेन नेम देऊन आणि रंगरूप बदलून वेबसाइटचे स्वरूप देणारे ब्लॉग देखील असतात.

थोडक्यात, आपल्या ब्लॉगमार्फत आपण आपल्या स्वतःला किंवा आपल्या व्यवसायाला प्रेझेंट करत असतो. ते आपले ऑनलाइन अस्तित्व असते. आपण समोर हजर नसताना, आपल्या उत्पादनाविषयी अथवा सेवेविषयी अधिक माहिती आपल्या ग्राहकांना ब्लॉगमार्फत मिळू शकते.

काही ब्लॉग्ज हे खास आमंत्रितांकरता असतात तर काही सार्वजनिक असले तरी देखील त्यातल्या निवडक पोस्ट्स पासवर्ड देऊन संरक्षित केलेल्या असू शकतात.

एकाच पानाचा वेबसाइट सदृश ब्लॉग बनवावा की मल्टीपेज ब्लॉग बनवावा हे अर्थातच आपल्या ग्राहकांना काय माहिती पुरवायची आहे यावर अवलंबून आहे.


You may want to read following Posts related to same topics :-

ब्लॉगिंग फॉर बिझिनेस….

मागच्या एका पोस्टमध्ये ‘ वेबसाइटसदृश ब्लॉग’ असा मी उल्लेख केला होता. हा काय प्रकार आहे? थोडक्यात सांगायचे तर, imageवेबसाइट सारखा दिसणारा पण वेबमास्टरची मदत न घेता आपल्या आपण अपडेट करू शकू असा ब्लॉग. साधारणतः कोणताही ब्लॉग उघडल्यावर समोर दिसते ती त्यावरची सगळ्यात ताजी पोस्ट. स्टॅटीक वेबसाइट वर मात्र एक ठराविक पेजच नेहमी उघडले जावे अशी सोय असते. समोर नियमित एक ठराविक पेज उघडले जावे खेरीज ताज्या पोस्टमार्फत आपल्या ग्राहकांशी सतत संपर्क साधता यावा अशी देखील सोय ब्लॉगवर करता येऊ शकते. त्यामुळे, एकदा ब्लॉग तयार केल्यावर त्याला त्याचे डोमेन नेम जोडले की ग्राहकांना कळणार ही नाही की ही वेबसाइट नसून एक ब्लॉग आहे.

आता आपल्या व्यवसायाकरता रीतसर वेबसाइट बनवून न घेता कुणी ब्लॉग कशाला बनवून घेईल? तर त्याकरता काही मुद्दे असे आहेत….
– ब्लॉग चालू ठेवण्याकरता डोमेन नेम आणि वेब स्पेस असणे आवश्यकच आहे असे नाही. त्यामुळे ज्यांना हा खर्च करणे योग्य वाटत नाही; ते देखील ब्लॉग माध्यमामार्फत व्यवसायाचे वेब अस्तित्व निर्माण करू शकतात.
– काही सेवा व्यवसायात ग्राहकांना त्या सेवेची पूर्ण माहिती मिळण्याकरता, व्यावसायिकाकडून अधिक आणि नियमित लेखनाची गरज असते. उदाहरण म्हणून वीणा वर्ल्ड च्या वीणाताई पाटील यांचे दर रविवारी महाराष्ट्रातल्या प्रमुख वृत्तपत्रातून एकेक लेख प्रकाशित होत असतात. खरं सांगायचे तर त्यांचे आज पर्यटन व्यवसायात इतके मोठे नाव आहे की त्यांना अश्या प्रकारे दर आठवड्याला लेख लिहून प्रसिद्धीची अजिबात गरज नाही. पण तरीही त्यांचे, त्यांच्या व्यवसायाशी निगडीत एखादी अडचण घेऊन व्यवस्थापनाचे धडे देणारे लेख दर आठवडयाला वाचायला मिळतात. त्यातून ग्राहक/वाचक त्या व्यवसायाशी अदृश्यरीत्या बांधला जातो, त्या विशिष्ट व्यवसायातल्या खाचाखोचा ग्राहकांना घरबसल्या कळतात. याच व्यवसायात नव्याने येऊ पहाणा-या नवख्या व्यावसायिकाला होऊ पहाणा-या चुका ध्यानात येतात. सगळ्यात मोठ्ठा फायदा त्या मूळ व्यवसायाला होतो – ग्राहकांशी बांधिलकी रहाते, समस्या उघडपणे मांडल्याने व्यवहारात पारदर्शकता येते.
– जागेचे बंधन नसल्याने, अमर्यादित लेखनाकरता ब्लॉगचा वापर करता येतो.
– ज्यांना लॉग इन करून आपले लिखाण पोस्ट करणे त्रासाचे वाटत असल्यास ईमेल द्वारे सुद्धा पोस्ट टाकता येऊ शकते.
– वेगवेगळ्या सोशल मिडीयाशी जोडलेले असाल तर तिथेही आपले लिखाण आपोआप पोस्ट करता येऊ शकते.

मला वाटते, एखाद्या ब्लॉगची सुरूवात करायला हे इतके मुद्दे पुरेसे आहेत. त्यातूनही तुम्हाला धाडस नसेलच होत, तर अवश्य माझ्याशी संपर्क साधा.


You may want to read following Posts related to same topics :-

Create a free website or blog at WordPress.com.

Up ↑

%d bloggers like this: